Türkiyənin məşhur "Kurtlar Vadisi Pusu"nun Güllüsü aktyor Erhan Ufak bir neçə aydır ölkəmizdə yaratdığı "Sanat Akademi"nin ilk məzunlarına sertifikat təqdim edib.
KNN.AZ xəbər verir ki, akdemiyada fəaliyyət göstərən Erhan Ufak gecəyə ailəsi ilə qatılıb.
Tədbiri giriş sözü ilə açan "Sanat Akademi"nin direktoru Səbuhi Zaman isə aktyorluq kursunu uğurla bitirmiş tələbələrini təbrik edib. Akademiyaya dəstək olan iş adamlarına "Təşəkkürnamə" plaketi təqdim edib.
Qeyd edək ki, "Sanat Akademi"də Türkiyənin məşhur aktyoru Erhan Ufak müəllim olaraq fəaliyyət göstərir. O, aylar öncə Mədəniyyətin Təbliği və Sosial Təşəbbüslər İctimai Birliyinin rəhbəri Səbuhi Zaman tərəfindən Bakıya dəvət edilib.
Layihədə 12-65 yaş arası istənilən Azərbaycan vətəndaşları iştirak edə bilərlər.