Keçmiş ərinin iş yerini vurduğu üçün saxlanılan Ece Ronaya qarşı həyata keçirilən əməliyyatın görüntüləri ortaya çıxıb.

Knn.Az Türkiyə mətbuatına istinadən xəbər verir ki, sosial media fenomeni və gözəllik mərkəzinin sahibi Ece Ronay keçmiş əri Mehmet Bilirin iş yerini güllələdiyi iddiası ilə saxlanılıb.

Xüsusi əməliyyat polis qruplarının iştirakı ilə səhər saatlarında keçirilən basqında saxlanılan Ronay ilə yanaşı, Bilirin iş yerində atəş açdığı təsbit edilən daha 5 nəfər yaxalanıb.

Şübhəlilərə məxsus ünvanlarda aparılan axtarışlar zamanı avtomat silah, tapança, 58 patron ələ keçirilib.