Oktyabrın 10-u saat 9:00-a olan məlumata əsasən ölkə ərazisində hava şəraiti qeyri sabit keçib.

Milli Hidrometeorologiya Xidmətindən Knn.az-a verilən məlumata görə, bəzi yerlərdə arabir yağış yağıb, şimşək çaxıb.

Ayrı-ayrı yerlərdə leysan xarakterli intensiv olub. Şahdağda qar yağıb. Şimal-qərb küləyi bəzi yerlərdə arabir güclənib.

Düşən yağıntının miqdarı: Astarada 24 mm, Lənkəranda 14 mm, Yevlaxda 10 mm, Şahdağ, Qaxda 7 mm, Yardımlı, Şəki, Ordubad, Mingəçevir, İsmayıllı, Şərur, Zaqatala, Göyçay, İmişli, Oğuz, Naftalan, Gədəbəy, Sabirabad, Qrız, Quba, Lerik, Qəbələ, Naxçıvan, Şahbuz, Daşkəsən, Gəncə, Qusar, Şamaxı, Ağsu, Tərtər, Beyləqan, Kürdəmir, Biləsuvarda 6 mm-dək, Bakıda və Abşeron yarımadasında isə 1 mm-dək olub.

Külək: Oktyabrın 9-da şimal-qərb küləyi arabir Naftalan, Daşkəsəndə 28 m/s, Mingəçevirdə 26 m/s, Qobustanda 24 m/s, Tərtərdə 22 m/s, Şahdağ, Tovuz, Şirvan, Neftçala, Gəncədə 20 m/s, Gədəbəydə 18 m/s, Yevlaxda 16 m/s, Bakıda və Abşeron yarımadasında 27-32 m/s-dək güclənib. Neft Daşları stansiyasının məlumatına əsasən dalğanın hündürlüyü 4.4 metrə çatıb.