Xəbər verdiyimiz  kimi Bakıda stilist Orxan Seyidovu qətlə yetirməkdə ittiham olunan Pərviz Həsənovun cinayət işi üzrə məhkəmə araşdırması başa çatıb.

KNN.AZ xəbər verir ki, Bakı Ağır Cinayətlər Məhkəməsində hakim İlham Mahmudovun sədrliyi ilə keçirilən iclasda hökm oxunub.

Hökmə əsasən, Pərviz Həsənov 17 il müddətinə azadlıqdan məhrum edilib.

Belə ki, stilist Orxan Seyidov pul qarşılığında titullu idmançı olan Pərviz Həsənova intim əlaqə təklif edib.Stilist idmançını görüşə çağırarkən özünü ilk öncə qadın  kimi təqdim edib.Məşhur idmançı evə gəldikdən sonra oyuna düşdüyünü anlayıb və onun qız bilib gəldiyi şəxs oğlan çıxıb.Bu zaman idmançı Pərviz Həsənov intim əlaqədə olmaqdan imtina edib. Evdə tərəflər arasında mübahisə düşüb. Stilist Orxan Seyidov şəxsi telefonu vasitəsi ilə idmançını kameraya çəkərək onu şantaj etmək niyyəti ilə  çəkilişi davam etdirib.Çıxılmaz vəziyyətə qalan idmançı stilisti amansızlıqla qətlə yetirib.Daha sonra hadisə yerindən qaçıb.

Məlumat üçün qeyd edək ki, stilist kimi fəaliyyət göstərən Orxan Seyidov daha əvvəllər müğənni Röya Ayxanın fanatı və sonralar yanında işçi kimi fəaliyyət göstərib.Qətli törədən Pərviz Həsənov isə məşhur və titullu idmançıdır.